ومضات

صح من الدمع ماظل دمع بينه

 وعصر وجهه الزمن من راد يبجينه

 

بس كل دمعه تنزل تشك وجه الكاع

 وتخضر شمس من حدر رجلينه

 

*****

 

كلي من المفخخ كول شتريد؟

 

كتله الصبح لو مرعالمدينه

 

كون ارواح اهلنه تصير ومضات

 

وقصايد تنذبح مابين ادينه

 

خاطر من نحن لارواحهم يوم

 

بس نصيح اعد ترجع علينه 

****

 

شككت الحلم ياجف السنين  

 ولبّست العيون هدوم الاوهام

 

يبجن والدمع ماظل طعم بيه

  اذا حته الخدود انزرعت الغام

 *******

 

مامحسوب زلمه ولاالي عنوان 

 اذا وكت الحجي خانتني شفافي

 

صح اوكع نعم بس مااجدي اجتاف

اتوجه وعلي واصعد على اجتافي

*******

 

 

أجرنه الاعشاش من العصافير

 خا ف من الرصاص بيوتنه تطير

 

وطاح العش كبل حيطان البيوت 

 فكر عميّنه حته اعله العصافير


إضاءات



Add a Comment

اضيف في 28 يوليو, 2006 01:49 م , من قبل جبار رشيد البيضاوي said:

يبجن والدمع ماظل طعم بيه
اذا حته الخدود انزرعت الغام
غايه الجمال بالصوره الشعريه
وغايه الحزن واللوعه بالحس الواقعي
كم هو واقعنا مولم
ولكن الواقع الذي يدر علينا بهذا الابداع واقع عزيز ويستحق الحب
الهلالي انت رائع
جبار رشيد

اضيف في 02 مارس, 2007 05:20 م , من قبل طالب الدراجي
من أستراليا said:

ومضات او حسرات لا ادري ماذا اسميها المهم انها تخرج من تنور الحزن العراقي حارة ومكسبه ان الحزن والجمال لايجتمعان الا بقدرة شاعر وها انت تفعل ياميثاق الهلالي
تحياتي لك دائما
الشاعر طالب الدراجي

اضيف في 24 ديسمبر, 2007 09:07 ص , من قبل russulmubarak said:

حبيبي بيا بخت وياي شديت
وعدا هجرك اليً شقدمت شديت
بصبعك حتى تذكر خيط شديت
انحصر دمك ولا فكرت بي

اضيف في 24 ديسمبر, 2007 09:49 ص , من قبل russulmubarak said:

طلبتك ماكلتلي ابشر ولا هاك
اشلهاك وغيرك عني ولاهاك
ضميرك لازم يانبك ولاهاك
هم يحاسبك باجر علي



Add a Comment

<<Home